Այլևս ինձ Hayat Project-ում չեք տեսնի. Նարե Հովհաննիսյանն ու խումբը հայտարարություն են տարածել

Սիրված Hayat Project խմբի՝ «Ղուրբանդ էղնիմ» երգի տեսահոլովակը հանրության դատին հանձնելուց հետո խմբի երկրպագուները անդադար հարցնում էին, իսկ որտե՞ղ է Նարե Հովհաննիսյանը։

Հարցին պատասխանել են թե Նարեն, թե Hayat Project խումբը։

«Տեղեկացնում ենք ձեզ, որ մեր սիրելի գործընկերներ Նարե Հովհաննիսյանը և Արթուր Եղիազարյանը ցանկություն են հայտնել զբաղվել իրենց անհատական ստեղծագործական կարիերայով: Մենք հարգանքով ենք մոտեցել այդ որոշմանը և շնորհակալություն հայտնելով Նարեին և Արթուրին համատեղ երկարամյա արդյունավետ աշխատանքի համար, մաղթում ենք իրենց անհատական գործունեության մեջ նորանոր ստեղծագործական հաջողություններ, սիրուն երգեր և վերելք: Հուսով ենք մի օր նորից կհանդիպենք ընդհանուր բեմահարթակին։

Բարի ճանապարհ ձեզ, իսկ HAYAT-ը շարժվում է առաջ՝ նոր երգերով, նոր տեսահոլովակներով և հավատարիմ հանդիսատեսով»,-հայտնել են խմբից։

«Իմ կյանքում սկսում է  նոր փուլ, և ավարտվում է մի ճանապարհ, որն ինձ շատ բան է տվել։ Այլևս ինձ Hayat Project-ում չեք տեսնի։ Շնորհակալ եմ բոլոր նրանց, ում հետ կիսել եմ այս ճանապարհը։ Ժամանակն է անհատական կարիերայի»,-հայտարարել է Նարեն։