Ստամբուլում թմրանյութերի գործով թուրքական շոուբիզնեսի 9 աստղ է ձերբակալվել

Ստամբուլում թմրանյութերի գործով ձերբակալվել է թուրքական շոուբիզնեսի 9 հայտնի աստղ։  Այս մասին այսօր՝ ապրիլի 7-ին, հայտնել է NTV հեռուստաալիքը։ 

 Ձերբակալվածների թվում են դերասան Իբրահիմ Չելիքոլը («Տունը, որտեղ ծնվել ես»), Բենգյուն, Սիմգե Սաղընը, Մելեք Մոսսոն, Մուստաֆա Ջեջելին, մոդելավորող Սիփահի Հաջըսուլեյմանօղլուն և պրոդյուսեր Իլքայ Սենջանը: 

 Թուրքիայում, հիմնականում Ստամբուլում, խոշոր թմրամիջոցների դեմ հիմնական գործողությունները սկսել են իրականացվել 2025 թվականի հոկտեմբերից։ Դատախազության տվյալներով՝ հետաքննությունը կենտրոնացած է «հասարակական բարոյականության և ընտանեկան արժեքների պաշտպանության» վրա։ Կասկածյալները ստուգվում են թմրամիջոցներ ապօրինի պահելու կամ օգտագործելու, ինչպես նաև դրանց սպառման համար պայմաններ ստեղծելու հոդվածներով, հայտնում է հեռուստաալիքը։


Ավելի վաղ թուրք դերասանուհի Հանդե Էրչելը թմրանյութերի թեստ էր հանձնել մամուլում տարածված տեղեկություններից հետո։ Ըստ այդ տեղեկությունների՝ կալանավորման հրամանը տրվել էր այն ժամանակ, երբ դերասանուհին գտնվում էր արտերկրում, ինչից հետո նա վերադարձել էր Թուրքիա։ Օդանավակայանից նրան տեղափոխել էին դատարան, որտեղ նա ցուցմունք էր տվել, ինչպես նաև ստուգման համար հանձնել արյան և մազերի նմուշներ, հիշեցնում է VM-ն։