«Հրապարակ». Գագարինում ՔՊ-ականները փորձել են օգտագործել հավաքված մարդկանց բազմությանը

«Հրապարակ» թերթը գրում է.

«Ապրիլի 12-ին Սևան համայնքի Գագարին բնակավայրում հանդիսավորությամբ նշել են Յուրի Գագարինի՝ տիեզերք թռչելու 65-ամյակը։ Գագարինում Գագարինի արձանախմբի մոտ կայացել է  բազմամարդ միջոցառում, որին մասնակցել են նաև Հայաստանում Ռուսաստանի դեսպանատան և Մոսկվայի տան մի շարք պաշտոնյաներ։ Միջոցառումն իրականացվել է համայնքի մշակույթի պալատի հարևանությամբ, որտեղ տեղադրված է տիեզերագնացի արձանը։ Դրանից 500 մետր հեռավորությամբ համայնքի եկեղեցին է, որտեղ և կայանել է ՔՊ-ականների «ուրախ ավտոբուսը»:

Օգտվելով առիթից, ՔՊ-ականները փորձել են օգտագործել հավաքված մարդկանց բազմությանը` նրանց ներկայացնելով որպես իրենց աջակիցներ, որոնք եկել են հանդիպելու Փաշինյանի հետ։ Գագարինցիները Փաշինյանին տեղեկացրել են, որ նման միջոցառում է անցկացվում, բայց «ուրախ ավտոբուսի» «պասաժիրները» չեն մնացել և չեն մասնակցել միջոցառմանը»։

Մանրամասները թերթի այսօրվա համարում։