Թրամփը Կոնգրեսին ուղղված նամակում հայտարարել է Իրանի հետ ռազմական գործողությունների ավարտի մասին

ԱՄՆ նախագահ Դոնալդ Թրամփը նամակ է ուղարկել Կոնգրեսին՝ հայտարարելով Իրանի դեմ ռազմական գործողությունների ավարտի մասին՝ նշելով, որ ամերիկյան ուժերը կմնան տարածաշրջանում՝ Թեհրանից եկող հնարավոր սպառնալիքները կանխելու համար։

«2026 թվականի ապրիլի 7-ին ես հրամայեցի երկշաբաթյա հրադադար։ Հրադադարը երկարաձգվել է։ 2026 թվականի ապրիլի 7-ից ի վեր Միացյալ Նահանգների և Իրանի զինված ուժերի միջև կրակի փոխանակում չի եղել։ 2026 թվականի փետրվարի 28-ին սկսված թշնամական գործողությունները դադարեցվել են», - ասվում է Թրամփի նամակում։

«Համապատասխանաբար, Պատերազմի նախարարությունը շարունակում է ճշգրտել ուժերի դիրքերը պատասխանատվության ոլորտի առանձին երկրներում՝ անհրաժեշտության և նպատակահարմարության դեպքում՝ Իրանի և նրա միջնորդ ուժերի սպառնալիքներին հակազդելու և Միացյալ Նահանգներին, նրա դաշնակիցներին ու գործընկերներին պաշտպանելու համար», -«ՌԻԱ նովոստի»-ի փոխանցմամբ,  հավելել է Թրամփը։

Թրամփի նամակում նաև նշվում է, որ տարածաշրջանում ԱՄՆ զորքերի պատրաստվածության փոփոխությունների մանրամասները ավելի մանրամասն ներկայացված են փաստաթղթի գաղտնի հավելվածում։