Վենետիկի 61-րդ բիենալեի ժյուրին հայտարարել է իր հրաժարականի մասին

2026 թվականի Վենետիկի Բիենալեի ժյուրին, որը շնորհում է ցուցահանդեսի գլխավոր մրցանակները, հայտարարել է իր ամբողջական հրաժարականի մասին: Հայտարարությունը հրապարակվել է e-flux ամսագրի սոցիալական ցանցերում։ 

artguide.com-ի հաղորդմամբ, ավանդական «Ոսկե առյուծների» փոխարեն, 2026 թվականին կսահմանվեն երկու մրցանակ՝ «Այցելուների առյուծներ», որոնց հաղթողները կորոշվեն հանրության կողմից։ Դրանք կշնորհվեն նույն անվանակարգերում, ինչպես միշտ՝ հիմնական նախագծի լավագույն մասնակցին և լավագույն ազգային տաղավարին։

Մրցանակաբաշխության արարողությունը բաց կմնա բոլոր ազգային տաղավարների համար, այդ թվում՝ Ռուսաստանի և Իսրայելի, չնայած նրանց մասնակցության շուրջ առաջացած վեճին։

Մայիսի 9-ին նախապես նախատեսված մրցանակաբաշխությունը հետաձգվել է մինչև ցուցահանդեսի վերջին օրը՝ նոյեմբերի 22-ը։ Հայտարարության մեջ ընդգծվում է, որ այս որոշումը պայմանավորված է ինչպես ժյուրիի հրաժարականով, այնպես էլ «ներկայիս միջազգային աշխարհաքաղաքական իրավիճակի բացառիկ բնույթով»։