Ամերիկացիների ¼-ը կարծում է, որ Թրամփի միջոցառման ժամանակ կրակոցները բեմադրված էին

News Guard-ի և YouGov-ի անցկացված համատեղ հարցման համաձայն՝ ամերիկացիների մոտ մեկ քառորդը կարծում է, որ ԱՄՆ նախագահ Դոնալդ Թրամփի մասնակցությամբ միջոցառման ժամանակ վերջերս տեղի ունեցած կրակոցները բեմադրություն էր։

Հարցումը ցույց է տալիս, որ հարցվածների 24%-ը կարծում է, որ ապրիլի 25-ին Սպիտակ տան թղթակիցների ասոցիացիայի ընթրիքի ժամանակ տեղի ունեցած կրակոցները բեմադրված են եղել։ 36%-ը կասկածում է դրա իսկության մեջ, իսկ 45%-ը կարծում է, որ դա նախագահի դեմ իրական մահափորձ է եղել։

Ավելին, հարցվածների 24%-ը նաև չի հավատում, որ Բատլերի հանրահավաքում Թրամփի դեմ մահափորձ է եղել, երբ դիպուկահարը կրակել էր շենքի տանիքից՝ վիրավորելով նախագահին ականջից՝ այն որակելով բեմադրություն։ Այս դեպքում հարցվածների 29%-է կասկածներ հայտնել, մինչդեռ 47%-ը նշել է, որ հավատում է, որ մահափորձը իրական է եղել։

Ամերիկացիները ամենաքիչն են կասկածում 2024 թվականի սեպտեմբերի 15-ին Թրամփի գոլֆի դաշտում տեղի ունեցած միջադեպի վերաբերյալ: Հարցվածների միայն 16%-ն է կարծում, որ միջադեպը բեմադրված է եղել, մինչդեռ 48%-ը հակառակ կարծիքի է։

Հարցումը անցկացվել է ապրիլի 28-ից մայիսի 4-ը 18 տարեկանից բարձր 1000 ԱՄՆ քաղաքացիների շրջանում։

Կրակոցները տեղի են ունեցել ապրիլի 25-ին Սպիտակ տան թղթակիցների ասոցիացիայի ընթրիքի ժամանակ: Թրամփը իր երկու ժամկետների ընթացքում առաջին անգամ է մասնակցել նման միջոցառման: Սպիտակ տան ղեկավարը ավելի ուշ հայտարարեց, որ ինքը և իր կաբինետի անդամները անվտանգ են, և որ հարձակվողը ձերբակալվել է: Իշխանությունները կասկածյալի անունը հայտնել են որպես 31-ամյա Կալիֆոռնիայի բնակիչ Քոուլ Թոմաս Ալեն: