Զելենսկին պատրաստ է Պուտինի հետ բանակցությունների․ Ուկրաինայի նախագահի գրասենյակի ղեկավար

Զելենսկին պատրաստ է Պուտինի հետ բանակցությունների։ Այս մասին հայտարարել է Ուկրաինայի նախագահի գրասենյակի ղեկավար Կիրիլ Բուդանովը։

«Եթե Ռուսաստանը իսկապես պատրաստ է լուրջ քննարկման, Ուկրաինան նույնպես պատրաստ կլինի։ Ուկրաինան բազմիցս ընդգծել և իր գործողություններով ցույց է տվել, որ մենք կողմ ենք պատերազմի դադարեցմանը։ Ուզում եմ կրկնել՝ խաղաղության կնքումը թուլության նշան չէ, այլ առողջ բանականության ապացույց»,-նշել է նա։