Հնդկաստանում հզոր փոթորիկը տղամարդուն գրեթե 50 մետր օդ է բարձրացրել

Հնդկաստանի Ուտար Պրադեշ նահանգում հզոր փոթորիկը տղամարդուն մոտ 50 մետր օդ է բարձրացրել։ Նա փորձել է բռնվել թիթեղյա տանիքից, բայց  քամին նրան երկինք է բարձրացրել։ Հրաշքով ողջ մնացած հնդիկ տղամարդը ներկայումս հոսպիտալացված է ծանր վիճակում։

Բնական աղետի հետևանքով ծառեր են տապալվել, շենքեր փլուզվել, ինչպես նաև կայծակահարության հետևանքով ավելի քան 100 մարդ է զոհվել։  Փրկարարները շարունակում են աշխատել տուժած տարածքներում։