Աղի չափից շատ օգտագործումը կարող է մեծացնել արյան բարձր ճնշման, սրտանոթային հիվանդությունների և կաթվածի ռիսկը

Աղի չափից շատ օգտագործումը (օրական 5 գրամից ավելի), ներառյալ պատրաստի սննդամթերքում պարունակվող և ուտելու ընթացքում հավելվող, կարող է վնասել առողջությունը` մեծացնելով արյան բարձր ճնշման, սրտանոթային հիվանդությունների և կաթվածի ռիսկը։ Այս մասին զգուշացնում են առողջապահության նախարարությունից։ 

Առողջ ընտրությունը սկսվում է առօրյա սովորություններից։ Նույնիսկ փոքր փոփոխությունները կարող են դրական ազդեցություն ունենալ առողջության վրա:

Սկսել պարզ քայլերից.

ընտրել թարմ մթերքներ՝ վերամշակված սննդի փոխարեն

պատրաստել ուտեստները քիչ աղով

ուսումնասիրել սննդային պիտակները և ընտրել ավելի քիչ աղ պարունակող տարբերակներ

սահմանափակել արագ սննդի և փաթեթավորված մթերքների օգտագործումը: