Մենք գերիների հարցը կլուծենք առավելագույն արագությամբ. Սամվել Կարապետյան

«Ես ավելի քան վստահ եմ, որ մենք գերիների հարցը կլուծենք առավելագույն արագությամբ։ Ես վստահ եմ, որ այն միայն մեր ուժը կարող է լուծել և մենք այդ հարցին լուծում տալու ենք»,-արցախցիների հետ հանդիպման ժամանակ ասաց «Ուժեղ Հայաստան» կուսակցության առաջնորդ Սամվել Կարապետյանը։

 Նա հայտարարեց, որ Բաքվում իր ընկերներն են և նա իրավունք չունի այնտեղ պահվող ռազմագերիների հարցը չդարձնի կառավարության գլխավոր խնդիր։;

 Անդրադառնալով Սփյուռքի հարցին՝ Կարապետյանն ասաց, որ այն իր համար ամենացավոտ տեղն է։

«Ես չեմ կարող ասել, որ  երբ մենք գանք իշխանության, հենց առաջին օրվանից Սփյուռքը հերթ է կանգնելու և առաջին օրվանից գալու է Հայաստան՝ մենչև մենք չստեղծենք հարուստ, առանց աղքատության պետություն։ Մեր պետության կեսը կամ աղքատ են, կամ աղքատության շեմին»,-հայտարարեց Կարապետյանը։