Մեսսին կխաղա՞ Աշխարհի առաջնությունում

Արգենտինացի հարձակվող Լիոնել Մեսսին խուսափել է լուրջ վնասվածքից և, ինչպես սպասվում է, կկարողանա մասնակցել առաջիկա աշխարհի առաջնությանը։ Այս մասին հաղորդում է ESPN-ը՝ հղում անելով նրա բժշկական զննման արդյունքներին։

Մեսսիի ակումբը՝ «Ինտեր Մայամին», հայտնել է, որ ախտորոշիչ հետազոտություններից հետո ֆուտբոլիստի մոտ ախտորոշվել է ձախ ազդրի մկանային լարվածություն և հոգնածություն։ Վերջնական վերականգնման ժամանակը կախված կլինի նրա ֆունկցիոնալ վիճակից։

ESPN-ի տվյալներով՝ Մեսսին կենթարկվի լրացուցիչ հետազոտությունների։ Այնուամենայնիվ, բժիշկները չեն հայտնաբերել լուրջ վնասվածքի որևէ նշան, որը կարող է խոչընդոտել նրա ելույթներին Աշխարհի առաջնությունում։

Վեստի.ռու-ն գրում է, որ ֆուտբոլիստը վնասվածք է ստացել MLS-ի մրցաշրջանի «Ֆիլադելֆիա Յունիոնի» դեմ հանդիպման ժամանակ։ Խաղն ավարտվել է Մայամիի թիմի 6-4 հաշվով հաղթանակով, իսկ Մեսսին կատարել է երկու գոլային փոխանցում։