Նույնիսկ սննդային հավելումները, վիտամինները և բուսական պատրաստուկները կարող են ունենալ ռիսկեր

«Բնական» կամ «վիտամինային» լինելը դեռ չի նշանակում, որ հավելումը լիովին անվտանգ է։ ԱՄՆ FDA-ը նախազգուշացրել է Salmonella-ով հնարավոր աղտոտված սննդային հավելումների մասին, որոնք պարունակում են moringa բույսի փոշի։

Հայաստանի  Ինֆեկցիոն հիվանդությունների ազգային կենտրոնից նշում են՝ այս դեպքը ևս մեկ հիշեցում է, որ նույնիսկ սննդային հավելումները, վիտամինները և բուսական պատրաստուկները կարող են ունենալ ռիսկեր՝

մանրէային աղտոտում,

դեղային փոխազդեցություններ,

լյարդի կամ երիկամների վնասում,

ալերգիկ ռեակցիաներ,

անհայտ բաղադրիչներ կամ սխալ դեղաչափեր:

Հատկապես զգուշություն է պետք՝

երեխաների,

հղիների,

տարեցների,

քրոնիկ հիվանդություններ ունեցող անձանց դեպքում:

Սննդային հավելումները նույնպես պետք է օգտագործել գիտակցված և ցանկալի է՝ մասնագետի խորհրդով։