Հայաստանի ազգային հավաքականը սկսել է ուսումնամարզական հավաքը

Հունիսի 1-ին Հայաստանի ազգային հավաքականը սկսել է ուսումնամարզական հավաքը՝ նախապատրաստվելու առաջիկա ընկերական խաղերին:

ՀՖՖ հաղորդմամբ, հրավիրված բոլոր խաղացողները միացել են ազգային ընտրանուն, բացառությամբ Նարեկ Գրիգորյանի: Ռումինական «Ֆարուլի» կիսապաշտպանը Երևան կժամանի հունիսի 2-ին:

Հիշեցնենք, որ հունիսի 6-ին Հայաստանի ազգային հավաքականն ընկերական խաղում Վ.Սարգսյանի անվան «Հանրապետական» մարզադաշտում կընդունի Ղազախստանին: 3 օր անց մեր ընտրանին կհանդիպի Մոլդովային: