Սև սիրտ Փաշինյանին. Զոհվածի մայրն ու տատն անիծեց նրան

«Մեր երեխեքին սպանողն եկել է այստեղ, թազա ռեկլամ է անում, որ նորից ընտրվի»,-Մալաթիա-Սենաստիայում Նիկոլ Փաշինյանի քարոզչական խմբակին փորձեց մոտենալ 44-օրյա պատերազմում զոհված Արման Ղուկասյանի մայրը և անհետ կորած Սարգիս Ղուկասյանի տատը։

Ոստիկանները նրա ձեռքերը բռնեցին և թույլ չտվեցին մոտենալ Նիկոլ Փաշինյանին։

Տարեց կինը ցույց էր տալիս սև նյութից պատրաստած սրտի արձանիկը, հայտարարելով, որ Փաշինյանն իրեն և հազարավոր մարդկանց դժբախտացրել է։

«Այ էս է իմ սիրտը՝ սև։ Այդ Վարդագույն սրտիկները ձևական են, նա ոչ մեկին չի սիրում, ոչ մեկի մասին չի մտածում, միայն իր աթոռն է ուզում։ Չի վայելելու ինքը, երկնային դատաստան՝ անիծյալ պատժի, Աստված ջան, նրան։

Այդ ժամանակ միացվեց «16 տարեկան» երգի բարձր ձայնագրությունը որպեսզի խլացվի տատիկի ձայնը։

«Երգեք, պարեք, ուրախացեք, սրիկանե՛ր»,-գոռում էր կինը։

Տեսանյութը՝ News.am-ից։