Հավայան կղզիների Կիլաուեա հրաբխի ժայթխումը շարունակվել է 9 ժամ

Հավայան կղզիների Կիլաուեա հրաբուխը ժայթքել է 48-րդ անգամ։ Ժայթքումն ավարտվել է 9 ժամ անց, այս մասին հայտնում է ԱՄՆ երկրաբանական ծառայությունը(USGS)։

Հյուսիսային անցքի լավային շատրվանը զգալի ջերմություն և մոխիր է արտանետել՝ ստեղծելով  մի ամպ, որը հասել է ծովի մակարդակից մոտ 25,000 ոտնաչափ (7,600 մետր) առավելագույն բարձրության՝ Ազգային օդերևութաբանական ծառայության և Վաշինգտոնի հրաբխային մոխրի խորհրդատվական կենտրոնի կողմից հաղորդված ռադարային տվյալների համաձայն։

Ամպերը նստել են Հավայան հրաբուխների ազգային պարկի սահմաններից դուրս՝ հյուսիս-արևելքում գտնվող համայնքներում, այդ թվում՝ Մաունա Լոա Էսթեյթսում, Օհիա Էսթեյթսում և Վուլկանո գյուղում, ինչպես նաև կալդերայից արևմուտք՝ 34 և 36 մղոն երկարությամբ նշագծերի միջև: Շատ նոսր, նուրբ մոխիր է գրանցվել մինչև Մաունթին Վյու:

Ծառայությունները հայտնել են Լաուպահոհեոեից մոտ ծծմբի և մոխրի ամպի մասին, որը հանգեցրել է Հիլո տանող առավոտյան նախատեսված մի քանի չվերթների չեղարկման և շեղման:

Հրաբխի 48-րդ ժայթքման ավարտին Հալեմաումաու խառնարանի հարավարևմտյան կողմում նախորդել են մի քանի թույլ  երկրաշարժենր։ Գրանցվել է մոտ 15 տեղայնացված երկրաշարժ՝ տատանվելով 1-ից մի փոքր պակաս մագնիտուդից մինչև 2.2 մագնիտուդ։ Երկրաշարժերից երեքը եղել են 2 կամ ավելի մագնիտուդով, 8-ը՝ 1-ից 2 մագնիտուդով, իսկ 4-ը՝ 1 մագնիտուդից պակաս։