Արթուր Օսիպյանը երեկ ազատ է արձակվել

Իրավապաշտպան Ռուբեն Մելիքյանը գրում է.

«Երբ իմանում ես, որ մի որևէ քաղբանտարկյալ հացադուլի մեջ է, մյուս քաղբանտարկյալների մասին խոսելդ էնքան էլ չի գալիս։ Այո՛, հացադուլը բողոքի ծայրահեղ միջոց է, և հատկապես երբ դրան դիմում է քաղբանտարկյալը, հանրության առողջ և բարոյական հատվածի ողջ ուշադրությունն իրավացիորեն սևեռվում է տվյալ քաղբանտարկյալին։

Ահա երեկ երեկոյան լուր եղավ, որ ազատ է արձակվել քաղբանտարկյալ Արտուր Օսիպյանը՝ Իոաննիսյանի և մի շարք այլ մարդկանց երաշխավորությամբ։ Ուրախ եմ, որ 22 օր հացադուլի մեջ մնացած մարդը դեռ այնքան էներգիա է պահպանել, որ ի վիճակի է եղել բանտից դուրս գալուց անմիջապես հետո հարցազրույց տալ և հանրությանը ներկայացնել իր մոտեցումները։ Արտուրին մաղթում եմ ամենայն բարիք։ Վստահ եմ, որ նրա դեմ շինծու քրգործը շուտով կկարճվի։

Եվ ահա այսօր արդեն պետք է ուշադրություններս սևեռենք մյուս քաղբանտարկյալների վրա: Հիշենք, որ շինծու քաղաքական գործերով ներկայումս բանտերում են Արմեն Աշոտյանը, Աշոտ Մինասյանը (Աշոտ Երկաթ), Գյումրու քաղաքապետ Վարդան Ղուկասյանը, Ուժեղ Հայաստանից՝ Ալիկը, Կանդազը, տասնյալ այլ անձինք, Մայր Հայաստանից՝ Անդրանիկ Թևանյանը, ԲՀԿ-ի հետ կապված այլ անձինք, հայտնի և անհայտ շատ ուրիշներ։

Տնային կալանքի տակ են է՛լ ավելի մեծ թվով քաղկալանավորներ՝ Միքայել և Բագրատ Սրբազանները, Սամվել Կարապետյանը, «Հայաստան» դաշինքից Արթուր Սարգսյանը, ՀՅԴ-ից Իգոր Սարգսյանը, Մասիսի նախկին քաղաքապետ Դավիթ Համբարձումյանը, «Հայրենիք»-ից Խաչիկ Գալստյանը, Արամ Քոչարյանը, հայտնի և անհայտ շատ ուրիշներ։

Քաղբանտարկյալներից յուրաքանչյուրի հարցը պետք է մշտապես լինի հանրության առողջ և բարոյական հատվածի առաջնային օրակարգում։

Ազատությու՛ն բոլոր քաղբանտարկյալներին»։