Իրանը և ԱՄՆ-ը փոխանակվել են ռազմական հուժկու հարվածներով

Իրանը հարվածել է Հորդանանում գտնվող Մուվաֆաք Սալթի ավիաբազային, որտեղ տեղակայված են ամերիկյան կործանիչներ։ Այդ մասին հայտնում է  Press TV-ը։

«Այսօր վաղ առավոտյան 12 բալիստիկ հրթիռներ թիրախավորել են ամերիկյան F-35, F-15 և F-16 կործանիչներով հագեցած օբյեկտները, ինչպես նաև Ազրաք ավիաբազայի և դրա հրամանատարական կենտրոնի կարևոր ռազմական օբյեկտները», -ասվում է հաղորդագրության մեջ։

Մինչ այդ Իսլամական հեղափոխության պահապանների կորպուսը Իրանի հարավում ԱՄՆ-ի հարձակումներից հետո հայտարարել էր իր հարձակման առաջին փուլի մասին: Հարվածների երկու ալիքի ընթացքում հրթիռներ և անօդաչու թռչող սարքեր են արձակվել Մերձավոր Արևելքի 18 թիրախների վրա, այդ թվում՝ Քուվեյթի «Ալի ալ-Սալեմ» և «Ահմադ ալ-Ջաբեր» ավիաբազաների, ինչպես նաև Բահրեյնի «Շեյխ Իսա» ավիաբազաների վրա:

Ըստ լրատվամիջոցների հաղորդագրությունների, իրանական ուժերը նաև հարձակվել են Հյուսիսային Իրաքում գտնվող ամերիկյան Հարիր ավիաբազայի վրա: Իսլամական Հանրապետության պետական ​​հեռուստատեսության հաղորդմամբ՝ հարվածի թիրախը Բահրեյնում գտնվող ԱՄՆ ռազմածովային ուժերի հինգերորդ նավատորմի ուժերն էին:

Հինգշաբթի երեկոյան ԱՄՆ Կենտրոնական հրամանատարությունը (CENTCOM) նախագահ Դոնալդ Թրամփի հրամանով հայտարարեց Իրանի դեմ հարվածների մասին: Axios-ի լրագրող Բարաք Ռավիդի խոսքերով՝ ամերիկացիները հարձակվել են Իրանի հարավում գտնվող ռազմական թիրախների վրա: Թրամփը հետագայում պնդեց, որ արձակվել է 49 «Տոմահավկ» հրթիռ:

Իրանական լրատվամիջոցները հաղորդել են Թեհրանի արևմտյան մասում, ինչպես նաև Բանդար Աբբաս, Մինաբ, Մոհր, Սիրիկ և մի քանի այլ քաղաքներում հակաօդային պաշտպանության ակտիվության մասին: «Մեհր» լրատվական գործակալությունը հաղորդել է Պարսից ծոցում իրանական և ամերիկյան ուժերի միջև բախումների մասին, որոնց ընթացքում պայթյուններ են տեղի ունեցել Հենգամ և Քեշմ կղզիներում:

ԱՄՆ-ի հարձակումների ֆոնին Թեհրանը փակել է Հորմուզի նեղուցը բոլոր նավերի, այդ թվում՝ նավթատարների համար, և զգուշացրել է հարվածների մասին տարանցիկ անցնել փորձող ցանկացած նավի վրա: Հայտնում է «ՌԻԱ նովոստի»-ն։