Ամենից շատ կարդացված նյութեր
.jpg "Մի փոքր նվեր կփոխանցեն, որ երբ ԿԸՀ նախագահը բուռն և անհաղթահարելի ցանկություն ունենա, կարողանա այդ պարագաներով նկարչություն իրականացնել. Տոնոյան")
Մի փոքր նվեր կփոխանցեն, որ երբ ԿԸՀ նախագահը բուռն և անհաղթահարելի ցանկություն ունենա, կարողանա այդ պարագաներով նկարչություն իրականացնել. Տոնոյան
«Այս իշխանությունների համար ծածկադմփոցի քաղաքկականությունը այլևս դարաձել է ապրելակերպ, այդ գործընթացն այս անգամ ևս կյանքի էր կոչվել ԿԸՀ անդամների կողմից»,- կազմակերպած բողոքի ակցիայի ժամանակ ասաց ԲՀԿ-ի ցուցակով պատգամավորության թեկնածու առաջադրված Իվետա Տոնոյանը։
Անդրադառնալով անվավեր ճանաչված երկու տեղամասերի ընտրողների՝ քվեարկության իրավունքի վերականգնման խնդրին՝ Տոնոյանն ասաց.
«Այստեղ անհրաժեշտ է վերաքվեարկության մասին որոշում, որի վերաբերյալ, որքան էլ տարօրինակ է, ԿԸՀ անդամները դիրքորոշում չեն արտահատում։ Չեմ հասկանում, թե այդ կաշկանդվածությունը ինչով է պայմանավորված, թեև շատ լավ հասկանում եմ, թե ինչով է պայմանավորված»։
Նա հավելեց, որ ԿԸՀ-ն խոստանում է ժամկետների մեջ որոշում կայացնել և ներկայացնել հանրությանը։
«Քիչ անց մեր գործընկերները մի փոքր նվեր կփոխանցեն, որ երբ ԿԸՀ նախագահը բուռն և անհաղթահարելի ցանկություն ունենա, կարողանա այդ պարագաներով նկարչություն իրականացնել, այլ ոչ թե թվաբանական աճպարարությամբ զբաղվի քաղաքական տարբեր ընդդիմադիր ուժերի քվեներով»,- ասաց Տոնոյանը՝ հավելելով.
«ԿԸՀ անդամները ընդունեցին արձանագրություններով արձանագրված մասնակիցների քանակի և ԿԸՀ կայքում հրապարակված ընտրողների քանակի մեջ առկա էական տարբերությունը, ընդամենը 100 տեղամասերի արդյուքնների ուսումնասիրության համաձայն մասնակիցների թիվը տարբերվում է շուրջ 270-ով»։
Վերջում Իվետա Տոնոյանը հայտարարեց, որ օրենքով սահմանված բոլոր գործիքներն օգտագործելու են, որպեսզի քաղաքացիների օրենքով սահմանված քվեարկության իրավունքը իրացվի և նկարչական պարագաներ փոխանցեցին Վահագն Հովակիմյանին, որ նա նկարի Արարատ լեռը։
Studio One