Ուժեղ երկրաշարժը ցնցել է Ինդոնեզիան

Երեքշաբթի օրը Ինդոնեզիայի մի մասում 6,7 մագնիտուդով երկրաշարժ է տեղի ունեցել, որին հաջորդել են ուժեղ հետցնցումներ։ Այս մասին հայտնում է միջազգային մամուլը։

Դրանք  մեկ րոպեից ավելի տևողությամբ ուժեղ ցնցումներ են առաջացրել մոտ 400 հազար բնակչություն ունեցող Պալու քաղաքում և Կենտրոնական Սուլավեսի նահանգի մայրաքաղաքում:

Հաղորդվել է վնասների մասին, հիվանդանոցները տարհանել են հիվանդներին։

Երկրաշարժի էպիկենտրոնը գտնվել է Բալու քաղաքից 46 կիլոմետր արևելք-հարավ-արևելք, իսկ ԱՄՆ երկրաբանական ծառայությունը հայտնել է, որ այն եղել է մոտ 10 կիլոմետր (6 մղոն) խորության վրա: Հետագա ամենաուժեղ ցնցումները եղել են 5,2, 5,0 և 4,9 մագնիտուդով:

Ինդոնեզիան անցնում է մի քանի սեյսմիկ ճեղքերով, և երկրաշարժերն ու հրաբխային ակտիվությունն այստեղ մեծ են։  

2021 թվականի հունվարին Սուլավեսի կղզու Մամուջու քաղաքի մոտ տեղի ունեցած 6,2 մագնիտուդով երկրաշարժի հետևանքով զոհվել է առնվազն 100 մարդ, հազարավոր մարդիկ օրեր շարունակ քնել են դրսում՝ վախենալով հետցնցումներից: