Իրանի հետ համաձայնագիրը ասում է՝ Թեհրանը միջուկային զենք չի ունենա. Թրամփ

«Իրանի հետ ժամանակավոր համաձայնագիրը հստակեցնում է, որ Թեհրանին երբեք թույլ չի տրվի մշակել միջուկային զենք», -Ֆրանսիայում G7 գագաթնաժողովի շրջանակներում Քաթարի էմիրի հետ բանակցություններից առաջ իր ելույթում ասել է Թրամփը և ենթադրել, որ Սիրիան կարող է ավելի լավ դիրքում լինել Իրանի կողմից աջակցվող «Հեզբոլլահ»-ին զինաթափելու համար։

«Ինձ համար իսկապես կարևոր է միայն այն, որ Իրանը երբեք միջուկային զենք չի ունենա, և նա դա բարձրաձայն ու հստակ ասում է», -լրագրողներին ասել նա՝ զգուշացնելով, որ «ամբողջ դժոխքը կթափվի» Իրանի վրա, եթե նա փորձի ձեռք բերել միջուկային զենք։

ԱՄՆ-ի և Իրանի պաշտոնյաները ուրբաթ օրը պետք է ժամանեն Շվեյցարիա՝ մանրամասն բանակցություններ սկսելու համար։ Ակնկալվում է, որ դրանք կներառեն այնպիսի հարցեր, ինչպիսիք են Իրանի հարստացված ուրանի ապագան և պատժամիջոցների վերացումը։

Եվրոպացի դաշնակիցները մտահոգություն են հայտնել, որ ԱՄՆ անփորձ բանակցային թիմը կարող է դժվարություններ ունենալ ամուր համաձայնագիր կնքելու հարցում, ինչը կարող է հանգեցնել երկարատև փակուղու։

2015 թվականին ԱՄՆ նախկին նախագահ Բարաք Օբաման Իրանի հետ կնքեց միջուկային համաձայնագիր՝ պատժամիջոցների մեղմացման դիմաց, գործընթաց, որի ավարտը տևեց երկու տարի։ Թրամփը Միացյալ Նահանգները դուրս բերեց այդ համաձայնագրից իր առաջին ժամկետի ընթացքում։

«Այս համաձայնագիրը միջուկային զենքի պատ է։ Նրա (Օբամայի) համաձայնագիրը միջուկային զենքի ճանապարհ էր։ Իմ համաձայնագրով՝ նրանք չեն կարող միջուկային զենք ունենալ, նրանց կպայթեցնեն», - ասել է Թրամփը։

Դիվանագետներն ու վերլուծաբանները նշում են, որ իրանցի բանակցողները բարձրակարգ հմուտ են միջուկային դիվանագիտության մեջ, հաճախ շահագործելով իրենց գործընկերների թույլ կողմերը և ժամանակ շահելով իրենց օրակարգը առաջ մղելու համար, ինչը մարտահրավեր է ստեղծում 60 օրվա ընթացքում համապարփակ համաձայնագրի հասնելու հեռանկարի համար։

Ժամանակավոր համաձայնագրի ուժի մեջ մնալու կարևոր գործոններից մեկը կլինի Լիբանանում տիրող իրավիճակը, որտեղ Իսրայելի վարչապետ Բենիամին Նեթանյահուն հայտարարել է, որ իր զորքերը կմնան հարավում այնքան ժամանակ, որքան անհրաժեշտ կլինի «Հեզբոլլահի» դեմ պայքարելու համար, ինչին  Թեհրանը դեմ է:

Թրամփը քննադատաբար էր տրամադրված Իսրայելի ռազմավարության նկատմամբ Լիբանանում և նաև ենթադրել էր, որ հարևան Սիրիան, որը նախագահ Ահմեդ ալ-Շարաայի գլխավորությամբ պայքարում է երկիրը կայունացնելու համար տարիներ տևած քաղաքացիական պատերազմից հետո, կարող է լինել միջամտելու լավագույն դիրքում։

«Ես առաջարկեցի Իսրայելին թույլ տալ Սիրիային «հոգ տանել» «Հեզբոլլահի» մասին, քանի որ, անկեղծ ասած, կարծում եմ, որ նրանք դա ավելի լավ են անում», - ասել է  նա։