Թուրքիայի բնակչուհին սխալմամբ մի կողմ է նետել 1 կգ ոսկին

Թուրքիայի Բուրսա քաղաքի բնակիչը պատահաբար դեն է նետել մեկ կիլոգրամ ոսկի պարունակող պայուսակ, որի արժեքը 6.13 միլիոն թուրքական լիրա է (ավելի քան 133,000 դոլար), որը ընտանիքի կողմից տարիներ շարունակ կուտակված խնայողություններն են՝ տուն գնելու համար։ Այս մասին հայտնում է «ՌԻԱ Նովոստի» գործակալությունը։

Դեպքը տեղի է ունեցել Բուրսա նահանգի Աքչալար շրջանում։ Կորուստը հայտնաբերելուց հետո ընտանիքը կապ է հաստատել ոստիկանության և քաղաքային ծառայությունների հետ, որոնք սկսել են փնտրել արժեքավոր իրերը։

«Մաքրելիս կինս պայուսակը շփոթել է աղբի հետ և դեն է նետել», - ասել է ընտանիքի ղեկավար Սեդաիր Քուրնազը, ինչպես մեջբերում է TR Haber լրատվական պորտալը։ Քուրնազը հայտարարել է, որ պայուսակում պահել է մոտ մեկ կիլոգրամ ոսկի։

Նրա խոսքով՝ դեռևս հայտնի չէ՝ աղբատար մեքենաներն արդեն տարել են աղբը, թե՞ տոպրակը տարել է աղբը փնտրող մեկը։ Նա նշել է, որ ոստիկանությունն ու քաղաքային ծառայություններն արդեն տեղեկացված են միջադեպի մասին, և կուսումնասիրվեն տարածքի տեսախցիկների տեսագրությունները։