Ինչո՞ւ աշխարհի ամենաերիտասարդ ճամփորդողը որոշեց վերջ դնել ճամփորդություններին. 20-ամյա Լիի պատմությունները

Սոֆիա Լին, ով այժմ 20 տարեկան է, դարձել է աշխարհի ամենաերիտասարդ ճանապարհորդներից մեկը, ով մոտենում է Գինեսի ռեկորդին՝ այցելելով աշխարհի գրեթե բոլոր երկրները։ Հայտնում է CNN-ը։

 Նա 13 տարեկանում կատարել է իր առաջին միայնակ ուղևորությունը դեպի Կոստա Ռիկա, դա  դարձավ նրա ճամփորդական կյանքի մեկնարկը։ Այդ փորձից հետո նա սկսեց այցելել տարբեր երկրներ՝ կամավոր աշխատանքների, յոգայի դասավանդման և սոցիալական մեդիայի նախագծերի միջոցով ֆինանսավորելով իր ճանապարհորդությունները։

16 տարեկանում դպրոցն ավարտելուց հետո Լին ընտրեց անդադար շարժումը։ 2023-ից սկսած՝ նա պաշտոնապես մասնակցում է Գինեսի ռեկորդի մարտահրավերին՝ նպատակ ունենալով դառնալ ամենաերիտասարդ մարդը, ով այցելել է աշխարհի բոլոր ճանաչված երկրները։ Նրա ճամփորդությունները հաճախ իրականացվել են քիչ բյուջեով՝ օրական մոտ 100 դոլարից պակաս ծախսերով, իսկ որոշ փուլերում նա նույնիսկ գիշերել է հոսթելներում կամ ավտոբուսներում՝ նվազագույնի հասցնելով ծախսերը։

Վերջին տարիներին նրա ուղին ընդգրկել է մոտ 186 երկիր, այդ թվում՝ դժվար և վտանգավոր տարածաշրջաններ։ Լին նշում է, որ ամենից շատ իրեն տպավորել է Հնդկաստանը, որտեղ արդեն մի քանի անգամ է վերադարձել՝ ընդգծելով երկրի մշակութային և աշխարհագրական բազմազանությունը՝ Հիմալայներից մինչև ծովափնյա քաղաքներ։

Ճամփորդության ընթացքում նրա կացության փորձը շատ տարբեր է եղել․ նա երբեմն ապրել է հինգ դոլարանոց հոսթելներում, իսկ երբեմն՝ ավելի բարձրակարգ հյուրանոցներում՝ օրինակ Բութանում, որտեղ մեկ գիշերվա արժեքը հասել է մինչև 1000 դոլարի։

Այսօր Լին մոտ է իր վերջին նպատակին՝ այցելել բոլոր երկրները, սակայն խոստովանում է, որ երկար տարիների անդադար շարժումից հետո պատրաստվում է ավելի կայուն կյանքի, որտեղ վերջապես կկարողանա ունենալ մշտական տուն և կառուցել առօրյա կյանքը մեկ վայրում։