Ալիև. Ռուսաստանի և Գերմանիայի ներկայացուցիչները Բաքվում էին միաժամանակ

Ադրբեջանի նախագահ Իլհամ Ալիևը հայտնել է, որ Ռուսաստանի և Գերմանիայի ներկայացուցիչները միաժամանակ գտնվում էին Բաքվում, ինչը հիմք է տալիս ենթադրելու, որ նրանց միջև հանդիպում է տեղի ունեցել։ Այս մասին գրում է ՌԻԱ Նովոստին։

«Կարող եմ ասել, որ այս տեղեկատվությունը հաստատվել է։ Ո՛չ Գերմանիան, ո՛չ Ռուսաստանը մեզ չեն տեղեկացրել այս մասին... Այս   տվյալները հիմք են տալիս եզրակացնելու, որ նման փակ հանդիպում իսկապես տեղի է ունեցել», - ասել է Ալիևը՝ Գերմանիայի կանցլեր Ֆրիդրիխ Մերցի հետ համատեղ մամուլի ասուլիսում։