Թուրքիան ողջունում է ֆրանսիական կողմի մասնակցությունը «Նաբուկո»-ին

Թուրքիայի նախագահ Աբդուլա Գյուլը ֆրանսիացի իր գործընկեր Նիկոլա Սարկոզիի հետ հանդիպմանը վստահեցրել է, որ «Նաբուկո» գազամուղի կառուցման գործում ֆրանսիական ընկերության լիարժեք մասնակցությունը կողջունվի:

Արտասահմանյան լրատվամիջոցները, վկայակոչելով իրենց աղբյուրները, նշում են, որ Գյուլը ողջունել է գազամուղի կառուցման գործում ֆրանսիական կողմի հնարավոր աջակցությունը և ասել, որ ֆրանսիական կազմակերպությունները կարող են լինել նախագծին լիարժեք կողմ: Գյուլը նաև ասել է, որ նախագիծն իրականացնում է կոնսորցիումը, իսկ Թուրքիան մասնակիցներից մեկն է միայն: