Հոլիվուդում նկարահանում են ֆիլմ` Ավարայրի ճակատամարտի մասին

Ռեժիսոր Ռոջեր Կուպելյանը Հոլիվուդում նկարահանում է «Բյուզանդիայից դեպի արևելք կամ Մամիկոնյանի պայքարը հանուն հավատքի» ֆիլմը: Ինչպես Panorama.am-ին հայտնեց ֆրանսիացի լրագրող Ժան Էկիյանը ֆիլմը պատմում է հայ ժողովրդի պատմության մեծագույն ճակատամարտերից մեկի` Ավարայրի ճակատամարտի մասին:

Համահայկական բարեգործական միությունն արդեն հայտարարել է ֆիլմին օժանդակելու իր պատրաստակամության մասին: Ֆիլմի սաունդթրեքը համաձայնվել է գրել System of a Down խմբի մենակատար Սերժ Թանկյանը:

Ռոջեր Կուպելյանը մասնակցել է հոլիվուդյան այնպիսի ֆիլմերի նկարահանումներին, ինչպիսիք են «Չառլի Վիլսոնի պատերազմը», «Մատանիների տիրակալը» , «Պատերազմ», «Տերմինատոր 4»:

Նախորդող նորություն`  Ի՞ՆՉ ԴԵՐ ՊԵՏՔ Է ԱՅՍՕՐ ՈՒՆԵՆԱ ԿԻՆՈԱՐՎԵՍՏԸ. ԻՐԱՐԱՄԵՐԺ ԿԱՐԾԻՔՆԵՐ ԵՎ «ԲՅՈՒԶԱՆԴԻԱՅԻՑ ԱՐԵՎԵԼՔ»