Թուրք-իրանական պատմական պայմանագիր

Թուրքիայի վարչապետի Իրան կատարած այցը նշանավորվեց էներգետիկ պայմանագրի ստորագրմամբ: Ինչպես հայտնում են թուրքական լրատվամիջոցները, շուրջ երկուսուկես տարի սեղանին դրված բնական գազի պայմանագիրը վերջապես ստորագրվել է:

Համաձայն այդ փաստաթղթի` Թուրքիան, ի դեմս թուրքական «TPAO» ընկերության, հնարավորություն է ստանում «Հարավային ֆարս» ավազանից գազ արդյունահանել: Այդ գազի պաշարի մի մասը նախատեսված է ուղարկել «Նաբուկո»-ին: Թուրքական աղբյուրները թուրք-իրանական այդ պայմանագիրը համարել են պատմական: Պայմանագիրը երեք առանցքային կետ է բովանդակում:

1. «Հարավային ֆարս» ավազանի բնական գազի որոշ հանքավայրեր հատկացվելու են Թուրքական «TPAO»-ին:

2. Իրանական գազը Թուրքիայով արտահանվելու է եվրոպական շուկա:


3. Թուրքմենական գազը Իրանով մատակարարվելու է Թուրքիա: