Թուրքիան Հայաստանից էժան էլեկտրաէներգիա է ակնկալում

Թուրքիայի «Էներգետիկ շուկայի կարգավորման միության» (EPDK) նախագահ Հասան Քյոքթաշը թուրքական «Սաբահ» (Sabah) օրաթերթին տված հարցազրույցում ասել է, որ տարածաշրջանի պետությունների միջև էներգետիկ հարցերում համերաշխության ժամանակաշրջանն է սկսվում:

Էժան էլեկտրաէներգիա արտադրող երկրները  այն հարևաններին էժան վաճառելու հարցում քիչ-քիչ գալիս են որոշակի կոնսենսուսի:

«Թուրքիան արդեն գնում է դեպի գլոբալ դերակատարություն: Արդեն վերածվում է հարևանների խնդիրներով հետաքրքրվող մի պետության: Իրաքին էլեկտրաէներգիա ենք վաճառում, Հունաստանի հետ էլեկտրաէներգիայի առևտուր ենք անում: Իսկ Հայաստանից էլ 1990-ականներին էինք էլեկտրաէներգիա գնում: Այդ հարցն այսօր կրկին օրակարգում է»,- նշել է Քյոքթաշն ու ընդգծել, որ դա Հայաստանի հետ հարաբերությունների կարգավորմանը նպաստող շահագրգռություններից մեկն է: