Խաղաղասիրական տրամադրություն Տալի հուշամրցաշարում

Մոսկվայում մեկնարկած Տալի հուշամրցաշարի առաջին տուրում Հայաստանի ներկայացուցիչ Լևոն Արոնյանը ոչ-ոքի է խաղացել Պյոտր Սվիդլերի հետ: Ուշագրավ է, որ Արոնյանն ու Սվիդլերն արդեն երկու տարուց ավելի է` միայն ոչ-ոքիներ են արձանագրում առերես հանդիպումներում:

Նշենք, որ առաջին տուրի մյուս բոլոր պարտիաներում նույնպես կողմերը բավարարվել են կեսական միավորով: Կառլսենը միավորը կիսել է Կրամնիկի, Մորոզևիչը` Լեկոյի, Գելֆանդը` Պոնոմարյովի, Իվանչուկը` Անանդի հետ:
Այսօր կայանալիք երկրորդ տուրում հայ գրոսմայստերի մրցակիցն է Պոնոմարյովը: Կառլսենը կխաղա Մորոզևիչի, Լեկոն` Գելֆանդի, Սվիդլերը` Իվանչուկի, Կրամնիկը` Անանդի հետ: