ԱՄՀ. Ճգնաժամի երկրորդ ալիք չի լինի, իսկ ՀՆԱ-ի աճը կկազմի 2 տոկոս

Արժույթի միջազգային հիմնադրամի կանխատեսումներով, 2010 թվականին Հայաստանի ՀՆԱ-ի իրական աճը կկազմի 2 տոկոս: Այսօր լրագրողների հետ հանդիպմանը նման տվյալներ հաղորդեց ԱՄՀ երևանյան առաքելության ղեկավար Մարկ Լյուիսը:

Նրա խոսքերով, այս տարի ակնկալվում է չափավոր աճ հանքաարդյունաբերության, գյուղատնտեսության և ծառայությունների ոլորտներում: Նրա խոսքերով, տնտեսական ճգնաժամի երկրորդ ալիք Հայաստանում չի լինի:

Նշենք, որ 2009-ի արդյունքերով Հայաստանի տնտեսական անկման ցուցանիշը կազմեց 14.4 տոկոս: