Յանուկովիչն ուզում է նոր պայմանագիր կնքել` կապված գազի գնի հետ

Ուկրաինայի նորընտիր նախագահ Վիկտոր Յանուկովիչը մտադիր է նոր պայմանագիր կնքել Ռուսաստանի հետ` ռուսական գազի գնի համար: Ինչպես տեղեկացնում են լրատվամիջոցները, նա նոր պայմանագիրը նպատակ ունի կնքել ՌԴ նախագահ Դմիտրի Մեդվեդևի` Կիև կատարելիք այցի ժամանակ:

Այս մասին Յանուկովիչը հայտարարել է երկուշաբթի օրը, Ուկրաինայի ԱԳ նախարարի հետ հանդիպման ժամանակ:

Բացի այդ, Յանուկովիչը նաև մտադիր է կարգավորել պետական սահմանի ու օդանավաշինության ոլորտում համագործակցության հարցերը: Նա նաև կարծիք է հայտնել, որ Ռուսաստանը կարող է օգնել Ուկրաինային`  ատոմային երեք բլոկ կառուցելու հարցում: