Հայրապետյանները ոսկու-ադամանդի հանք էին ուզում գնել

«Հրապարակը» փորձել է պարզել` որն է «Հայաստան» առեւտրի կենտրոնի եւ «Ամերիաբանկի» կոնֆլիկտի պատճառը: Խոսքը մոտ 10 միլիոն դոլարի վարկային պայմանագրի մասին է, որը Հայրապետյանները վերցրել են` Աֆրիկայում ոսկու-ադամանդի հանք գնելու նպատակով: Թերթի աղբյուրը նշում է, որ հանքը Սիերա-Լիոնեում է: «Բանկից վերցված գումարները պետք է ուղղվեին այդ հանքի շահագործմանը: Հենց այդ վարկերի մարման ընթացքում էլ անցած տարվա օգոստոսից խնդիրներ են ծագել»,- գրում է թերթը: