Ազգային դրամի պատմությունը կներկայացվի նաև Աշտարակում

Կենտրոնական բանկը ապրիլի 16-23-ն ընկած ժամանակահատվածում նախաձեռնել է Հայաստանի Հանրապետության ազգային դրամի պատմությանը վերաբերող ցուցահանդեսի կազմակերպում Աշտարակ քաղաքում:

Արագածոտնի մարզպետարանի հաղորդմամբ, ցուցահանդեսի նպատակն է բնակչությանը ծանոթացնել ՀՀ ազգային դրամի պատմությանը, դրամի պաշտպանական հատկանիշներին, ֆինանսաբանկային համակարգի հիմնական գործառույթներին, ներկայացնել ֆինանսական համակարգի ծառայություններից օգտվողների իրավունքները:

Առ այսօր ցուցահանդեսներ կազմակերպվել են նաև Վանաձորում, Ստեփանակերտում, Իջևանում, Եղեգնաձորում, Գյումրիում, Գավառում: