Ուսանողները դժգոհ են Բժշկականի ռեկտորի թեկնածուից

«Հրապարակ»-ը, հիշեցնելով, որ Դերենիկ Դումանյանի` առողջապահության նախարար նշանակվելուց հետո Մխիթար Հերացու անվան բժշկական համալսարանի ռեկտորի ժամանակավոր պաշտոնակատար է նշանակվել ուսումնական գծով պրոռեկտոր Սամվել Ավետիսյանը, նշում է, որ ըստ ամենայնի հենց նա էլ «կընտրվի» ռեկտոր: Թերթին հասած տեղեկություններով` նրա ռեկտոր լինելը դժգոհություն է առաջացրել մասնավորապես բուհի ակտիվ ուսանողների շրջանում, քանի որ Սամվել Ավետիսյանը նախկինում զբաղված է եղել ակտիվիստների գործունեությունն ու ընդհանրապես քաղաքական հայացքները վերահսկելով և սահմանափակելով: