114 մլն դրամ` Հայաստանի շախմատի հավաքականի անդամների համար

Ստամբուլում կայացած շախմատի համաշխարհային 40-րդ Օլիմպիադայում հաղթող ճանաչված Հայաստանի շախմատի տղամարդկանց հավաքական թիմի անդամներ Լևոն Արոնյանին, Սերգեյ Մովսիսյանին, Վլադիմիր Հակոբյանին, Գաբրիել Սարգսյանին և Տիգրան Պետրոսյանին 20-ական մլն դրամ մրցանակ հանձնելու, ինչպես նաև թիմի մյուս պատասխանատուներին պարգևատրելու համար ՀՀ կառավարությունը Սպորտի և երիտասարդության հարցերի նախարարությանը հատկացրել է 114 մլն դրամ։ Այս մասին հաղորդում են կառավարության տեղեկատվության և հասարակայնության հետ կապերի վարչությունից: