Զորի Բալայանի նամակը հասել է Կրեմլ

ՌԴ նախագահի մամուլի և տեղեկատվության վարչությունից երեկ «Հայկական ժամանակ»-ի թղթակցին հայտնել են, որ գրող հրապարակախոս Զորի Բալայանի՝ ՌԴ նախագահ Վլադիմիր Պուտինին հասցեագրված նամակը ստացել են և ուղարկել համապատասխան վարչություն:

Թերթի թղթակցի հարցին, թե որն է պաշտոնական Մոսկվայի արձագանքն այդ նամակի բովանդակության վերաբերյալ, Կրեմլի լրատվական վարչությունից խոստացել են պատասխանել այսօր: Մինչ այդ, երեկ նույնպես Հայաստանում շարունակվում էին կարծիքներ հնչել Բալայանի նամակի վերաբերյալ: