Բնապահպանության նախկին նախարար ինքն իրեն ոսկե մեդալով է պարգևատրել

Բնապահպանության նախկին նախարար Արամ Հարությունյանը, պարզվում է, պաշտոնավարման վերջին օրը որոշել է ինքն իրեն պարգևատրել նախարարության ոսկե մեդալով:

Բնապահպանության նախարարության լրատվության վարչությունից «Հրապարակ»-ի հետ զրույցում հաստատել են փաստը, սակայն նշել, թե Արամ Հարությունյանին մեդալ շնորհվել է հանձնաժողովի որոշմամբ, որի կազմում Հարությունյանն ընդգրկված չի եղել: Ոսկե մեդալը Հարությունյանին շնորհվել է «երկարամյա բարեխիղճ աշխատանքի համար»: