ԴԱՀԿ բյուջեի միջոցներով իրեն պատկանող «Քեթրին» ընկերությանը գործ է մատակարարում. «Ժամանակ»

«Ժամանակ»-ը գրում է. «Երեկ տեղեկացանք, որ ԴԱՀԿ ծառայության պետ հայտնի Քեթրինի Միհրանը՝ Միհրան Պողոսյանը, ով ԴԱՀԿ նորընծա աշխատակիցների երդման արարողություններ է կազմակերպում Ծիծեռնակաբերդի հուշահամալիրում, պետական բյուջեի միջոցներով իրեն պատկանող «Քեթրին-գրուպ» ընկերությանը գործ է մատակարարում: Այսպես՝ ընթացիկ դեկտեմբերի 12-ին ԴԱՀԿ պետ «Քեթրին գրուպի» գլխավոր տնօրեն Գ. Բադալյանի հետ պայմանագիր է ստորագրել, որի համաձայն՝ «Քեթրին գրուպը» 2 մլն 107 հազար դրամի դիմաց պետք է ապահովի ԴԱՀԿ-ի հաշվեկշռում գտնվող թվով 16 ավտոմեքենաների տեխնիկական սպասարկումը»: