Վարդգես Գասպարին ազատ է արձակվում

Վերաքննիչ քրեական դատարանը բեկանել է Շենգավիթ վարական շրջանի ընդհանուր իրավասության դատարանի որոշումը ակտիվիստ Վարդգես Գասպարիին կալանավորելու մասին: Այդ մասին Panorama.am-ին տեղեկացրեց Գասպարիի փաստաբան Դավիթ Գյուրջյանը:

Հիշեցնենք՝ Գասպարիի փաստաբանները վերաքննիչ բողոք էին ներկայացրել՝ բողոքարկելով առաջին ատյանի դատարանի որոշումը ակտիվիստին կալանավորելու մասին: Նրանք այդ որոշումը անհիմն էին որակում:

Վերաքննիչ քրեական դատարանում որոշումը կայացրել է դատավորների կազմը՝ դատավոր Արմեն Դանիելյանի նախագահությամբ:

«Այս պահին մենք պատրաստվում ենք գնալ և դիմավորել Գասպարիին», -փոխանցեց փաստաբանը: