Թուրք ընդդիմադիր պատգամավորի սկանդալային արձագանքը Գերմանիայի կողմից Հայոց ցեղասպանության ճանաչմանը

Թուրքիայի գլխավոր ընդդիմադիր «Ժողովրդահանրապետական կուսակցության» Անկարայից ընտրված պատգամավոր Բյուլենթ Քուշօղլուն բավական համարձակ մեկնաբանություն է արել Գերմանիայի կողմից Հայոց ցեղասպանության ճանաչման վերաբերյալ` ողջ պատասխանատվությունը դնելով Թուրքիայի նախագահ Ռեջեփ Թայիփ Էրդողանի վրա:

Ըստ թուրքական «Haber7.com» լրատվական կայքի՝ «Twitter» իր միկրոբլոգում տեղադրած գրառման մեջ Քուշօղլուն մասնավորապես ասել է. «Թուրքիան դրսում այնքան թույլ է և հեղինակազուրկ, որ հակառակ 3.5 միլիոն թուրքին (Գերմանիայում բնակվող-խմբ.) կարողացան ցեղասպանություն բառն օգտագործել (Գերմանիայում-խմբ.): Քանի դեռ կա ՌԹԷ-ն (Ռեջեփ Թայիփ Էրդողան), մենք միշտ գլխացավանքի մեջ ենք լինելու»: