Մոնթե Մելքոնյանի անվան նոր մարզական համալիրներ են բացվել Արցախում

Արցախի Հանրապետության Նախագահ Բակո Սահակյանը նախօրեին այցելել է Մարտունու շրջանի Գիշի գյուղ ու Ճարտար քաղաք և մասնակցել այդ բնակավայրերում Արցախի հերոս Մոնթե Մելքոնյանի անվան նոր մարզական համալիրների բացման հանդիսավոր արարողություններին: Այս մասին հայտնում են Արցախի նախագահի աշխատակազմի տՏեղեկատվության գլխավոր վարչությունից:

Նախագահը երախտագիտություն է հայտնել բարերար Վլադիմիր Ավագյանին այս կարևոր ծրագրերն իրականացնելու համար՝ նշելով, որ մատաղ սերնդի ֆիզիկական դաստիարակությունն այսուհետ էլ լինելու է մեր պետության հատուկ ուշադրության կենտրոնում:

Միջոցառմանը ներկա են եղել Հայ Առաքելական Եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը, վարչապետ Արայիկ Հարությունյանը, պաշտոնատար այլ անձինք: