Պետական սիմֆոնիկ նվագախումբը քառամյա ընդմիջումից հետո կներկայացնի Շոստակովիչի թիվ 8 սիմֆոնիան

Այսօր Արամ Խաչատրյան համերգասրահում կայանալու է Հայաստանի պետական սիմֆոնիկ նվագախմբի 2018/2019 համերգաշրջանի բացման արարողությանը։ Նվագախմբի
հասարակայնության հետ կապերի բաժնի հաղորդմամբ, երեկոյի ընթացքում նվագախումբը դիրիժոր Սերգեյ Սմբատյանի ղեկավարությամբ կկատարի Դմիտրի Շոստակովիչի թիվ 8 սիմֆոնիան։

Այն աշխարհում հազվադեպ կատարվող ստեղծագործություններից է, ունի սահմանափակ թվով ձայնագրություններ, և Հայաստանի պետական սիմֆոնիկ նվագախումբը քառամյա ընդմիջումից հետո իր ունկնդրին է ներկայացնում այս գեղեցիկ, հզոր ու Շոստակովիչի արվեստի բոլոր նրբերանգներն ընդգծող գործը։