Սիմոն Մարտիրոսյանը` Եվրոպայի չեմպիոն

Լեհաստանի Զամոսկ քաղաքում ավարտին է մոտենում ծանրամարտի Եվրոպայի երիտասարդական առաջնությունը: Մինչև 23 տարեկանների պայքարում մրցահարթակ դուրս եկած Հայաստանի ներկայացուցիչ, +105 կգ քաշային Սիմոն Մարտիրոսյանը կրկին փայլել է:

Հայ ծանրորդը պոկել է 190 կգ, հրել 230 կգ և երկամարտի 420 կգ արդյունքով հռչակվել Եվրոպայի չեմպիոն: Այս քաշային կարգում արծաթե և բրոնզե մեդալները նվաճել են վրացի ծանրորդներ Իրակլի Չեիկիձեն և Բակարի Տուրմանիձեն: