ՍԴ մոտ հավաքվածները սպասում են Ռոբերտ Քոչարյանի գործով որոշմանը

Նախօրեին Սահմանադրական դատարանը սկսել է գրավոր ընթացակարգով ՀՀ երկրորդ նախագահ Ռոբերտ Քոչարյանի դիմումի հիման վրա` ՀՀ քրեական դատավարության օրենսգրքի 35-րդ հոդվածի և 135-րդ հոդվածի 2-րդ մասի` Ռոբերտ Քոչարյանի նկատմամբ խափանման միջոց կիրառելու հիմքերի և քրեական գործի վարույթը կամ քրեական հետապնդումը բացառող հանգամանքների սահմանադրականության հարցի քննությունը։ ՍԴ աշխատակազմի ղեկավար Էդգար Ղազարյանը լրագրողներին  տեղեկացրել է, որ որոշումը, ամենայն հավականությամբ,  կհրապարակվի այսօր օրվա երկրորդ կեսին։

Ինչպես երեկ, այսօր նույնպես ՍԴ դիմաց հավաքված են Ռոբրետ Քոչարյանի համախոհներն ու ընդդիմադիրները՝ սպասելով ՍԴ որոշմանը։