Սենատոր Լինդսի Գրահամը «վետո» կիրառեց Ցեղասպանության բանաձևի նկատմամբ.Սուրեն Սարգսյան

«Տեղի ունեցավ այն, ինչից խուսափում էինք: Սենատոր Լինդսի Գրահամը «վետո» կիրառեց Ցեղասպանության բանաձևի նկատմամբ: Դա տեղի ունեցավ Թրամփ-Էրդողան հանդիպումից հետո, որին մասնակցում էր Սենատորը»,-այս մասին գրել է քաղաքագետ Սուրեն Սարգսյանը։

Նշենք, որ Սենատում Հայոց ցեղասպանության վերաբերյալ S.Res.150 բանաձևին մինչ այժմ աջակցել էր 24 սենատոր:

Օրեր առաջ քաղաքագետը գրել էր, որ ԱՄՆ Կոնգրեսի վերին պալատում` Սենատում, Ցեղասպանության բանաձևի անցկացումն անհամեմատ ավելի բարդ գործընթաց է լինելու: Խնդիրը կայանում է նրանում, որ Սենատի պրակտիկայում կա այսպես կոչված «վետոյի» կիրառումը (Senate Hold): Սա նշանակում է, որ 100 սենատորներից յուրաքանչյուրը կարող է այն կիրառել և «բլոկ» անել ցանկացած իրավական ակտ, կամ բանաձև` կանխելով դրա մուտքը լիագումար օրակարգ և քվեարկությունը: