Գորիսի փոխքաղաքապետին ձերբակալելու որոշումը դատարանը ոչ իրավաչափ ճանաչեց

Երևանի առաջին ատյանի դատարանը, դատավոր Դավիթ Բալայանի նախագահությամբ,  ոչ իրավաչափ ճանաչեց Գորիսի փոխքաղաքապետ Մենուա Հովսեփյանի ձերբակալությունը։ 

Հիշեցնենք, որ Սյունիքի մարզում ապրիլի 22-ին բողոքի ակցիաների առթիվ հարուցված քրեական գործի շրջանակներում ձերբակալվել է 16 անձ, այդ թվում՝ Մեղրիի քաղաքապետ Մխիթար Զաքարյանը, փոխքաղաքապետ Արմեն Սամվելյանը, Գորիսի փոխքաղաքապետ Մենուա Հովսեփյանը։

Մենուա Հովսեփյանի պաշտպան Դավիթ Կարապետյանը լրագրողներին ասաց, որ քննիչը Հովսեփյանի նկատմամբ կիրառել է ստորագրությամբ երկրից չբացակայելու խափանման միջոց։ Մ. Հովսեփյանին դատարան չէին բերել, նա Քննչական կոմիտեում էր։

Փաստաբանն ասաց, որ Մ. Հովսեփյանին մեղադրանք չէին առաջադրել, կասկածվում է Քրեական օրենսգրքի 258-րդ հոդվածի (Խուլիանություն) 1-ին մասով։

Դավիթ Կարապետյանը ՀՔԾ հաղորդում է ներկայացրել Մենուա Հովսեփյանին խոշտանգելու դրվագով։
«Առավոտյան ճշտել եմ, որ հաղորդմանը տրված է ընթացք, ոչ մի այլ նորություն չունեմ»,- ասաց պաշտպանը։