Դավիթ Չալոյանը հաղթեց ադրբեջանցուն և դուրս եկավ ԱԱ-ի եզրափակիչ

Բելգրադում ընթացող բռնցքամարտի աշխարհի առաջնության կիսաեզրափակիչում Դավիթ Չալոյանը մրցեց Ադրբեջանի ներկայացուցիչ Մոհամադ Աբդուլաևի հետ և առավելության հասավ 5:0 հաշվով: Այսպիսով, Հայաստանի բռնցքամարտի հավաքականի անդամը դուրս եկավ աշխարհի առաջնության եզրափակիչ:

Եզրափակիչը կկայանա նոյեմբերի 5-ին։

Նշենք, որ ավելի ուշ կիսաեզրափակիչում իր ուժերը կչափի նաև Օլիմպիական խաղերի բրոնզե մեդալակիր Հովհաննես Բաչկովը: