Ադրբեջանցիներն առևանգել են Տեղ համայնքի հովվին. բանակցություններ են վարում

Ադրբեջանցիներն առևանգել են Սյունիքի մարզի Տեղ համայնքի հովվին` Սուրիկ Մաթևոսյանին։ Տեղեկությունը Sputnik Արմենիայի հետ զրույցում հայտնել է համայնքի աշխատակազմի քարտուղար Արտակ Բաղդագյուլյանը։

«Ռուս սահմանապահներին արդեն իսկ տեղյակ են պահել դեպքի մասին, և բանակցություններ են վարում նրան հետ բերելու ուղղությամբ»,-ասել է Բաղդագուլյանը։

Նա նշել է, որ դեպքը տեղի է ունեցել ժամը 16։00-16։30-ի սահմաններում, սակայն մանրամասներ հայտնել չի կարող։ Ադրբեջանցիները քշել–տարել են նաև հովվի հոտը։