Ծանրամարտի Եվրոպայի առաջնություն. Դավիթ Հովհաննիսյանը՝ չեմպիոն, Արա Աղանյանը՝ փոխչեմպիոն

Ալբանիայի մայրաքաղաք Տիրանայում ընթացող ծանրամարտի Եվրոպայի առաջնությունը հունիսի 3-ին  պայքարի մեջ էին մտել 96 կգ քաշային ծանրորդները, որտեղ Հայաստանը ներկայացնում էին Արա Աղանյանը և Դավիթ Հովհաննիսյանը։

Երկամարտի 377 կգ արդյունքով Դավիթ Հովհաննիսյանը նվաճել է Եվրոպայի չեմպիոնի տիտղոսը։ 

Եվրոպայի փոխչեմպիոն է դարձել Արա Աղանյանը։ Նա երկամարտում գրանցել է 375 կգ արդյունք։

370 կգ արդյունքով բրոնզե մեդալակիր է դարձել Ֆրանսիայի ներկայացուցիչ Ռոմեն Իմա Դուշենը։