Գեներալ Խաչատուրովի կալանքի ժամկետը երկարաձգվել է երեք ամսով

Հակակոռուպցիոն դատարանի դատավոր Արամ Գրիգորյանի  որոշմամբ այսօր ևս երեք ամսով երկարաձգվեց երրորդ բանակային կորպուսի նախկին հրամանատար Գրիգորի Խաչատուրովի  կալանավորման  ժամկետը։

 Գրիգորի Խաչատուրովի  փաստաբան Հակոբ Ենոքյանը հայտնեց,  որ փաստաբաններին դեռ չի տրամադրվել որոշումը, ավելի կոնկրետ հայտարարություններ կանեն, երբ այն ստանան։

Ավելի վաղ Ենոքյանն ասել էր, որ Գ. Խաչատուրովը հայտարարել է,  դատավորից որևէ ակնկալիք չունի, օբյեկտիվ որոշման չի սպասում։