Ոչ թալանին. «Մայր Հայաստանը» փողոց դուրս կգա

Երևանի ավագանու «Մայր Հայաստան» խմբակցությունը պատրաստվում է երկուշաբթի օրը փողոց դուրս գալ։

«Երևանի իշխանությունները՝ ՔՊԿ+«Հանրապետություն» կոալիցիան, որոշել են կտրուկ թանկացնել մի շարք տեղական տուրքեր և վճարներ: Խոսքը միայն տխրահռչակ կարմիր կետագծերով առանձնացված ավտոկայանատեղիների ավելի քան 13 անգամ թանկացման մասին չէ: Ֆինանսական բեռ են ուզում ավելացնել բիզնեսի տարբեր տեսակների վրա ևս:

Սպասվող թանկացումներն ու թալանը կանխելու համար «Մայր Հայաստանը» դեկտեմբերի 26-ին, առավոտյան ժամը 9։00-ին Երևանի քաղաքապետարանի շենքի մուտքի մոտ՝ բողոքի ակցիա է իրականացնելու: 

«Մայր Հայաստանը» «ո՛չ» է ասում թալանին»,-ասված է շարժման տարածած հայտարարության մեջ։